05-08-2023, 10:45 PM
قال محمد مجدي "أفشة" لاعب النادي الأهلي، إنه تعرض لكثير من الأحاديث المحبطة ولكنه كان يعمل بصورة أكثر حتى وصل ليكون للعام الرابع على التوالي الأكثر مساهمة تهديفيًا مع الفريق.وأضاف أفشة، عبر تدوينة له عبر حساباته بمواقع التواصل الاجتماعي، اليوم الجمعة:"الحمدلله نهاية الموسم علي خير، واحد من أصعب المواسم وأكثرها ضغط انتهت بأن الاهلي دائما كسبان، موسم كان فيه لحظات فيها قلق وتوتر نفسي، تراجع ذهني ووجع قلب بعيد عنكم".وتابع لاعب وسط الأهلي:"الاستسلام كان حل سهل بس للأسف أنا معرفوش كل ما ضاقت أكثر كل ما كنت أشتغل أكثر، تمرين فوق التمرين تركيز علي التركيز هدف واحد بس أوعي تسيب لحظه في النادي الأهلي متحطش اسمك فيها كل حاجه بتتعوض إلا الزمن، الحمدلله ١٢ بطولة مع الأهلي ١٤ صناعة هدف، ٢٢ فرصه محققة، نسبه مشاركة تخطت الـ ٧٠٪ وللسنه الرابعة علي التوالي أكثر لاعب مساهمة في أهداف النادي، فضل ربنا ودعم زمايلي في الفريق".وأتم أفشة تدوينته بقوله:"سمعت كلام كثير محبط ومش حقيقي مش هقول ظالم بس أقل حاجه يزعل، عموما ده ضمن الباكيج مفيش حلاوة من غير نار، الكلام ده حرفياً كان هو النار اللي بتخليني عندي إصرار أكثر وغيره ورغبة أنا أكون أقوى من أي كلمة اتقالت .. في نهاية الموسم شكرًا لكل اللي انتقد سواء سلبي أو إيجابي كلامكم شحن البطارية.. ووقت الإجازة وضميري مرتاح علشان فعلاً تعبت جدًا السنه دي".
-
![[صورة: cc3fdc35-c677-42f9-b8d5-57b0f759f78b2022_11_7_11_38.jpg]](https://media.gemini.media/img/yallakora/Normal//2022/11/7/cc3fdc35-c677-42f9-b8d5-57b0f759f78b2022_11_7_11_38.jpg)
-